കോഴിക്കോട്: വാഹന പരിശോധന നടത്തുന്നതിനിടെ സിവിൽ എക്സൈസ് ഓഫീസർക്ക് നേരെ വധശ്രമം. നാദാപുരം പാതിരിപ്പറ്റ മീത്തൽ വയലിലാണ് സംഭവം. നാദാപുരം എക്സൈസ് ഓഫീസിലെ ഉദ്യോഗസ്ഥനായ ശ്രീജേഷിനാണ് പരിക്കേറ്റത്.
ഓട്ടോയിൽ മദ്യം വിൽപന നടത്തുന്നുവെന്ന വിവരം ലഭിച്ചതിനെ തുടർന്ന് പരിശോധന നടത്തുകയായിരുന്നു എക്സൈസ് സംഘം. പകൽ 2.30ഓടെ ഓട്ടോയിൽ മദ്യവിൽപന നടത്തുന്ന മീത്തൽ വയലിലെ സുരേഷ് എന്നയാളെ പിടികൂടാനുള്ള ശ്രമത്തിനിടെ ഇയാൾ ഉദ്യോഗസ്ഥരെ ആക്രമിക്കുകയായിരുന്നു.
ശ്രീജേഷിന് നേരെ ഓട്ടോ ഓടിച്ചു കയറ്റാൻ ശ്രമിച്ചു. ഇതിനിടയിലാണ് അദ്ദേഹത്തിന് നെറ്റിക്ക് പരിക്കേറ്റത്. ശ്രീജേഷിനെ തുടർന്ന് നരിപ്പറ്റ കുടുംബാരോഗ്യ കേന്ദ്രത്തിൽ പ്രവേശിപ്പിച്ചു. തലയ്ക്ക് നാല് തുന്നൽ ഇട്ടിട്ടുണ്ട്. ഓട്ടോയും അതിലുണ്ടായിരുന്ന മദ്യവും എക്സൈസ് സംഘം കസ്റ്റഡിയിലെടുത്തെങ്കിലും സുരേഷിനെ പിടികൂടാൻ സാധിച്ചിട്ടില്ല.
Liquor sales in auto Attempt to hit excise officer in Kozhikode with auto
.jpg)
